Blog Oficial do Noitebra F.C.

Atletismo: Meia Maratona de Viana do Castelo

2012-01-22T23:02:00.003+01:00

O domingo os atletas do Noitebra tiveron competición internacional na Meia Maratona de Viana do Castelo, en Portugal.


Foto grazas á organización

Aquí fotos por xentileza da organización
Foro de Correr en Galicia

Os nosos internacionais foron Manolo, Jonal, Fran e Fernando, inscritos a última hora grazas ao oportunismo de Jonal. Esperaban algo máis de 21 km de perfil non excesivamente complicado. Paticiparían cerca de 1800 persoas.

Foto grazas á organización

Segundo nos comenta Fran, a viaxe foi una paliza de algo máis de hora e media, para chegar tarde e arrastro, e deixando o coche ben lonxe da zona de entrega dos dorsais.

Saída pois en frío e na cola do pelotón (perderon máis de un minuto e medio e pasar pola saída dende o pistoletazo inicial), pero logo destes inconvenientes viría o mellor: un percorrido tipo Vig-Bay con moita xente animando. Os nosos foron inicialmente en bloque ata que pouco a pouco cada un foi collendo o seu ritmo, con escapada de Fran nos últimos 3 km, sendo o primeiro do noso equipo en chegar á meta.Ao final, medalla de recordo, bolsa con avituallamento líquido e camiseta, ducha quente e contentos coa boa organización da carreira.

Nova paliza de volta para Santiago, parando para comer no camiño (pero non bacallau).

Toca xa pensar en vindeiros adestramentos e carreiras.

Clasificación

Oficial aquí

Os nosos:

Fotos

Atletismo: VIII San Silvestre de Noia

2012-01-01T17:01:00.000+01:00

E o día 31 tocaba despedir o ano ben cerca da casa. Neste caso os nosos achegáronse á Noia para participar na VIII San Silvestre, máis festiva que nunca, onde se fixo gala do bo humor.

Foto grazas a borinho

Percorrido

Shaila, Fran, Mallo, Pepe, Nacho e Migueliño M. foron os noitebros presentes nunha carreira a todo trapo polo paseo marítimo e rúas céntricas de Noia, completando un total de 3,5 km, con celebración final multitudinaria na Casa do Concello.

Foto grazas a borinho

Unha forma diferente de rematar o ano, non?

Que tod@s iniciedes o ano da mellor forma posible.
Feliz aninovo!!

Vémonos nos adestramentos.

Máis fotos da carreira no foro de Correr en Galicia

Atletismo: IV San Silvestre ludico-competitiva na Alameda compostelana

2011-12-31T13:57:00.000+01:00

E como é costume estos últimos anos, os noitebros despediron o ano na xa IV edición da San Silvestre lúdico-competitiva na Alameda compostelana.

Foto grazas a nirvioso

Foto grazas a flip

A pesar de que os "amigos" do Concello de Santiago se empeñan en poñelo cada ano máis complicado pechando o paseo da Ferradura xa dende as 20 h., a capacidade de improvisación dos amigos do "CAR Santiago" axudou a que puidesemos gozar dunha bonita carreira entre amig@s polo paseo superior e central da Alameda, completando os esperados 5,5 km de distancia total.

Foto grazas a flip

Non era un día para pensar só en competir, senón en pasalo ben, e alí estivo o Noitebra dando cor laranxa á festa. E, sobre todo, saboreando ese chocolate quentiño por xentileza dos amigos/as organizadores.

Ó final foto de gran grupo facendo piña e despedindo o ano con cava e sidra, con risco de que nos multasen por facer botellón, xa que por alí chegamos a estar algo máis de 60 persoas.

Foto grazas a nirvioso

Foto grazas a flip

Ós que non viñeron, decirvos que perdistes unha boa festa que só sucede unha vez ó ano. Ós que viñestes, grazas por dar cor ao evento e deixar otras cousiñas de lado para vir connosco á alameda. E aos que estades lesionados, estábades traballando, etc. pensanmos en vós, e dalgún modo tamén estivestes presentes na festa...

Deséxovos a todos/as un feliz ano 2012, por moito que no lo queiran amargar...

Foto grazas a flip

Vamos Noitebra!!!

Atletismo: IV San Silvestre lúdico-competitiva na Alameda Compostelana

2011-12-28T12:15:00.000+01:00

O Noitebra convoca a todos os seus ditrectivos, técnicos, deportistas, socios e amigos a participar na IV San Silvestre lúdico-competitiva na Alameda Compostelana que se celebrará o venres 30 de decembro.

Como vén sendo costume, esta carreira festiva sérvenos para celebrar o fin de ano correndo en boa compañía.

Os menores de 14 anos tamén terán a súa carreira que terá lugar antes das 21 h., dando 2 voltas á Alameda (uns 1.800 metros).

Os maiores correrán ás 21 h. dando 6 voltas á Alameda (uns 5,5 km).

A saída e chegada será no Paseo dos Leóns (imaxe).

Non fai falla anotarse, só asistir con gañas de pasalo ben. Podedes consultar o regulamento aquí.

Os deportistas federados do Noitebra que se ausenten á cita sen xustificación algunha, serán dados de baixa do club (INOCENTES!!!!).

Bon Nadal e próspero 2012

2011-12-24T12:54:00.000+01:00

O Noitebra Atletismo vístese de gala para felicitarvos o Nadal.

Por xentileza de Fran e Shaila, aí van os seguintes vídeos:

Atletismo: XII Carreira Popular Concello de Pontecesures

2011-12-22T00:00:00.000+01:00

O pasado sábado tiña lugar a XII Carreira Popular Concello de Pontecesures. Nunha tarde fresquiña e pasada por auga competiron polo Noitebra, Marcos L., Puri, Fran e Shaila. Esta última reaparecía despois dun tempo de recuperación por lesión. Nas carreiras escolares participaría tamén Nacho R., que viña de facer o cross escolar pola mañá.

Foto grazas a Marcos L.

Máis fotos por xentileza do Concello de Pontecesures

O percorrido deste ano foi acurtado ata os 4,35 km, pero mantiña a subida por onde o campo de fútbol e posterior baixada ata volver á zona de saída. Carreira curta e explosiva pois, pero rompepernas polas características da zona.

Perfil

Foto grazas a Marcos L.

En canto aos resultados dos nosos, inmellorables xa que na carreira absoluta Shaila retornaría aos podios cun 3º posto (chegar e encher, felicidades!!!), e o mellor, segundo ela, as sensacións de irse recuperando das súas molestias que a tiveron afastada da competición dende hai tempo. Bo ritmo de Marcos L. que se vai amosando nun fenomenal estado de forma. Puri ao borde do podio, e Fran reservando para a Media de Narón do día seguinte, da que xa coñecedes a crónica. Na careira escolar Nacho R. faría tamén o 3º posto na súa categoría.

Foto por xentileza do Concello de Pontecesures

Polo tanto, éxito rotundo nas terras de Fleky, que tamén competiría a gran altura.

Próxima convocatoria e cita: IV SAN SILVESTRE LÚDICO-COMPETITIVA NA ALAMEDA COMPOSTELANA o venres 30 de decembro ás 21 h.

Clasificacións
Oficiais aquí

Os nosos

Atletismo: Campionato de Cross Escolar. Fase Zonal, O Paxonal

2011-12-21T00:00:00.000+01:00

O pasado sábado celebrábase no Parque do Paxonal a fase zonal do Campionato de Cross Escolar. Este ano tivemos representación do nosos equipo na categoría infantil masculino con Miguel M., e na categoría cadete masculino, con Moisés e Nacho R.

Foto de Miguel M. grazas a Marcos L.

O día estaba algo fresco, pero propicio para competir, xa que a choiva respectou a todos os que alí se citaron para participar nas diferentes carreiras.

Nacho R. Foto grazas a Marcos L.

A carreira infantil tiña una distancia de 1.200 metros que transcorrían polo parque, coñecido, polos seus camiños abrasivos e costas. Miguel faría unha moi boa competición, finalizando no 9º posto, que posiblemente lle permita competir na próxima fase do campionato escolar.

Moisés. Foto grazas a Marcos L.

A carreira cadete tiña unha distancia de 2.500 metros, con terreo algo máis complicado ao incorporar a zona baixa da carballeira do parque. Os nosos rapaces fixeron unha sensacional carreira, condicionada polo ritmo imposto polos xuvenís invitados. Clasificaría directo para a seguinte fase Nacho R. ao entrar entre os oito primeiros, recibindo a correspondente medalla. Moisés tamén experimentou unha sobresaínte mellora con respecto a tempada anterior, finalizando entre os 10 primeiros, o cal posiblemente tamén lle conceda un posto na seguinte fase.

En definitiva, os nosos rapaces deixaron ao noso club nun lugar destacado entre os equipos da comarca. Hai canteira!!

Foto grazas a Marcos L.

Próxima cita, sábado 21 de xaneiro.

Clasificacións
Oficiais aquí

Os nosos

Atletismo: XXVI Media Maratón Volta á Ría. Memorial Adolfo Ros. Narón

2011-12-20T00:16:00.000+01:00

Nova media maratón para os integrantes do Noitebra no que vai de ano. Nesta ocasión sería a Media Maratón Volta á Ría, XXVI Memorial Adolfo Ros, que nesta edición tería a súa saída e chegada en Narón.

Fonte: El Correo Gallego

Mañá que prometía ideal para a práctica do atletismo e que se complicou ao empezar a chover auga ben fría a iso dos tres cuartos de hora de carreira.

Pinchar aquí para coñecer a ruta, dende o Castiñeiriño

O percorrido, o cal xa fora anticipado no Twitter do club días atrás, tiña unha saída rápida, con subidas cara a zona da Avenida de Castela, e grandes rectas máis ou menos chans. Logo virían as subidas encadeadas dende o km 10-11 ata chegar a Fene, onde xa iamos caladiños de frío pola molladura. Baixada cara a Ponte das Pías, que como era de esperar se fixo eterna (e iso que non facía vento), e fin de carreira cuns metros de subida que facían estragos.

Perfil

Foto grazas ao C.A. Ría de Ferrol

Vitoria para Pedro Nimo, que foi dar un paso pola ría mentres o demais nos arrastrábamos polo asfalto. Nas rapazas vencería María Cabadas. Nos nosos, carreirón de Abel e Fran, con marcas persoais na distancia, pulverizando o primeiro dos citados o seu anterior tempo. Bo tempo de Fernando, coa 10ª media no seu haber, e que, se non lembramos mal, fai algo máis dun mes estaba de baixa e encartado na cama; e Miguel con marca persoal, pero arrastro total na chegada a meta. Non nos podemos queixar despois de como se puxo o día.

Un ano máis con bo trato da organización, boa xestión do percorrido, agasallo de camiseta, avituallamentos...e unha ducha quentiña que prestou moito.

Fotos C.A. Ría de Ferrol

Próxima cita?? A saber..., pero este ano xa lle dimos lume abondo. Felicidades a todos os noitebros fanáticos da longa distancia.

Foto grazas ao C.A. Ría de Ferrol

Clasificacións
Oficial aquí

Os nosos

Fotos de El Correo Gallego (saen as nosas perniñas)

Máis fotos no foro de Correr en Galicia

Atletismo: X Carreira Popular Lugo Monumental

2011-12-19T18:40:00.001+01:00

O domingo pasado celebrouse a 10ª edición da Carreira Popular Lugo Monumental. Nela tivemos a Víctor, deixando a boa altura as cores do Noitebra, e non só porque correu polo alto da muralla, senón pola marca lograda, nun día húmido e frío na capital lucense, aínda que seguramente algo mellor que nos últimos anos, nos que houbera temperaturas baixo cero incluso durante a carreira.

Foto grazas a tito

Este ano o percorrido tradicional tivo diversas modificacións que trataron de facer o circuíto algo más monumental, se cabe, levando a carreira por rúas internas á muralla. Este feito foi moi valorado polos participantes, que un ano máis, e a pesar das múltiples competicións celebradas no mesmo día, foron moi numerosos, chegando aos máis de 1200 que finalizaron a proba, ademais doutros que competiron sen dorsal.

Foto garzas a pepeangel

A distancia oficial foi marcada en 9.730 metros. Mágoa non optar por redondeala nos 10 km
Como anticipamos, o nosos compañeiro Víctor fixo unha boa carreira, rematando no posto 113 (41 da categoría), realizando un tempo de 37:22 (real 37:13), cun promedio de 3:51/km.

O gañador absoluto sería Carlos Villamor. Nas mulleres vencía Estefanía Domínguez.

Foi, en definitiva, unha carreira de gran beleza e que deixa bo sabor de boca, a pesar do clima do mes de decembro, nunha cidade xa fría habitualmente. Así mesmo, dende a organización sempre tratan de sorprender aos atletas variando os agasallos finais. Este ano regalaban un par de calcetíns (outros anos mochila, zapatilleiro, etc.), sumados xa ao habitual avituallamento na meta.

Esperamos poder participar noutras edicións, xa que non todos os días se pode competir nun lugar tan particular

En breve máis crónicas da fin de semana atlética do Noitebra F.C.

Clasificación oficial aquí

Máis fotos no foro de Correr en Galicia

Atletismo. Cea de Nadal

2011-12-08T00:21:00.001+01:00

Confírmase que a cea do equipo de atletismo será o sábado 10 de decembro, a partir das 23 h. no Mesón A Cañiza (Camporrapado-Boqueixón, en dirección a Ponte Ledesma).

Avance do menú:

Mariscos varios (navalla, ameixas, langostinos...)

Croca de ternera á parrilla

Postre

Bebidas

Prezo: 30 €

Rógase aos que están pendentes de confirmar a asistencia, que o fagan o antes posible. Que non esperen ao último día!!!

"NOITENDA" TENDA OFICIAL VIRTUAL DO NOITEBRA F.C.

2011-12-02T14:26:00.001+01:00

ESTREAMOS A TENDA OFICIAL VIRTUAL DO CLUB

Pedidos á dirección de correo tendanoitebrafc@gmail.com co asunto "comprar" ou "mercar".

Non se realizan envíos a domicilio. A proba e recollida dos produtos concretarase vía e-mail.

No pedido indicarase a referencia do produto, a talla, a cantidade (unidades) e o nº de soci@. Nos productos sen existencias, o pedido faise por encargo en calquera talla, agás nos produtos que se se indique o contrario.

Produtos exclusivos para tod@s @s soci@s do Noitebra F. C. Non se servirá a xente allea ao Club.

*O Noitebra F.C. non actúa con ánimo de lucro, facendo de intermediario cos proveedores.
Proveedores: Jorge Raña e Santín Digital

Clicar nas imaxes para ver máis grande

Camiseta sisas atletismo

Short atletismo

Referencia: camisetasisa.atl
Prezo socios: 17 €
Nº existencias:
   S: 2
   M: 4
   L: 3
   XL: 3
   XXL: 1
*As reposicións tardan 1 mes
en entregarse.

Referencia: short.atl
Prezo socios: 14 €
Nº existencias:
   XS:3
   S: 2
   M:1
   L: 2
   XL: 5
   XXL:5
*As reposicións tardan 1 mes
en entregarse.

Pantalón curto atletismo

Chándal atletismo

Referencia: panataloncurto.atl
Prezo socios: 14 €
Nº existencias:
   S: 0
   M:2
   L:2
   XL:2
XXL: 0
*As reposicións tardan 1 mes
en entregarse.

Referencia: chandal.atl
Prezo socios: 40 €
Nº existencias:
   S: 0
   M: 1
   L: 3
   XL: 3
   XXL: 2
*As reposicións tardan 1 mes
en entregarse.

Malla curta estándar atletismo

Malla longa atletismo

Referencia: mallaestandar.atl
Prezo socios: 20 €
*Nº existencias:
   S: 0
   M: 0
   L: 0
   XL: 0
   XXL: 0
*As reposicións tardan 1 mes
en entregarse.

Referencia: mallalonga.atl
Prezo socios: 32 €
*Nº existencias:
   S:1
   M:1
   L:0
   XL: 0
   XXL: 0
*As reposicións tardan 1 mes
en entregarse.

Camiseta técnica atletismo

Top muller atletismo

Referencia: camisetatecnica.atl
Prezos socios:
   1 unidade: 7,5 €
   2 ou máis unidades: 6,5 €/unidade
*Nº existencias:
   S:19
   M: 21
   L:24
   XL: 22
*Non se fan novos encargos
ata o fin das existencias en
todas as tallas.

Referencia: topmuller.atl
Prezo socios: 17 €
*Nº existencias:
   XS: 0
   S: 0
   M: 0
   L: 0
   XL: 0
*As reposicións tardan 1 mes
en entregarse.

Suéter do club

Portachip básico atletismo

Referencia: sueter.club
Prezos socios: 21 €
*Nº existencias:
   S: 0
   M: 2
   L: 1
   XL:1
*As reposicións tardan 1 mes
en entregarse.

Referencia: portachip.atl
Prezo socios: 1,50 €
*Nº existencias: 18

*Ata fin de existencias.

Atletismo: 31 Maratón de Valencia

2011-11-30T00:17:00.001+01:00

O domingo 27 de novembro tivemos a Manolo no 31 Maratón de Valencia.

Fonte: lasprovincias.es

Máis información da Maratón de Valencia na web oficial

Proba espectacular onde as haxa, con máis de 7000 participantes que completaron os 42.195 metros ao longo dun perfil moi rápido e á altura do mar.

Perfil

Ao memso tempo tamén se celebrou unha proba de 10 km, con máis de 5000 participantes.

Ata alá foi Manolo para superar novamente o reto dos 42,195 km, como xa fixera en Ourense, despois de prepararse a conciencia xa dende o verán. Pero as súas ilusións rematarón no kilómetro 36 logo de subírselle por completo os xemelgos, obligándoo a abandoar a proba. Segundo nos comentou, éralle imposible continuar, xa que non daba nin camiñado. Unha mágoa, pero isto é a Maratón, tan pronto vas pletórico como nun intre remata todo.

Iso si, lonxe de virse abaixo, Manolo, como bo noitebro, xa pensa en desquitarse na Maratón da Coruña o 15 de abril. Alí nos veremos.

Atletismo: VII Carreira Popular de Vedra

2011-11-29T23:35:00.001+01:00

O pasado domingo o Noitebra tamén participou cun bo número de atletas na VII Carreira Popular de Vedra.

Foto grazas a nirvioso

Percorrido grazas a flipy

Non enumeramos a todos os nosos, porque foron máis de 10 os que se achegaron a San Fíns para probar o novo percorrido que tiñan preparado para esta nova edición os organizadores (Club Olímpico de Vedra). Ao parecer as variacións engadidas fixeron a carreira moito máis vistosa e entretida para os atletas, ademais de suavizar algo o perfil con respecto a anos anteriores, completando unha distancia que finalmente quedaría en 7,2 km aproximadamente.

Perfil grazas a flipy

Foto grazas a nirvioso

Récord de participación en todas as categorías, nun día fresquiño (típico da zona) no que apetecía ir rapidiño, e máis aínda se temos en conta a curta distancia da carreira.
Como era de esperar, saída a lume no grupo dianteiro e logo riada de xente detrás, cadaquén aos eu ritmo. Os nosos déronlle colorido á carreira absoluta, e tan só lamentar, por motivos varios non graves, a non finalización da mesma de Óscar e Manel.

Foto de Nacho R. grazas a Marcos L.

Na carreira cadete-xuvenil estivemos representados con Nacho R. (afillado de Marcos L.), que fixo unha moi boa posición na súa categoría, na que tiñan que completar 3 km de distancia.

E nos máis pequechos (prebenxamíns) estaban inscritos como noitebros Nicolás (fillo de Marcos L.) e Hugo (sobriño de Manel), que completaron un total de 200 metros.

Foto grazas a Marcos L.

Os participantes fixeron grandes valoracións desta carreira, que sendo gratuíta aínda fai apreciar máis o esforzo da organizacións. Felicitacións!!!

Outro ano, se non cadra con outras citas de interese, trataremos de participar en maior número.

Foto de Rubén grazas a nirvioso

Clasificacións:

Absoluta

Cadete-xuvenil

Prebenxamín

Os nosos

Vídeo da carreira grazas a matogrosso

Atletismo: XV Media Maratón de Betanzos

2011-11-28T11:16:00.001+01:00

O domingo participamos na XV Media Maratón Volta á Ría de Betanzos, que unha vez máis deixounos un grande sabor de boca a pesar do seu duro perfil. Repetiron do ano pasado Pepe e Miguel, e debutaron na proba Raúl, Fran e Fernando.

Foto grazas a maridopi

Esta proba apiques estivo de non se celebrar este ano polos xa omnipresentes problemas económicos, que tamén afectan ao deporte popular, pero grazas ao Club Atletismo As Mariñas puidemos gozar/sufrir uno máis desta carreira, cun gran tirón popular, que mesmo tivo que limitar a súa inscrición a última hora para evitar complicacións organizativas (co consecuente cacao que se montou nos días previos).

O caso é que alá fomos e podemos dicir que tivemos un día inmellorable para competir, con sol na hora da saída (11 h.) e logo ceo nubrado durante boa parte da carreira; cunha temperatura óptima para a práctica do atletismo.

O perfil da carreira, como anticipamos, duro, duro, e a pesar de que se fixeron igualmente grandes marcas, o problema estaba ao finalizar, cas pernas cargadas a tope despois de tanta costa arriba e abaixo en todo o bonito percorrido arredor da ría.

Perfil

Foto grazas a maridopi

Grandes resultados nos nosos con marcas fenomenais, destacando en especial a Fernando, que fai 15 días estaba literalmente KO por lumbalxia. Ao final grande satisfacción, acompañada dun bo avituallamento final, duchiña quente no pavillón... e de volta a Santiago cos corpos ben magoados.

Foto grazas a blas62

En nada tocará outra nova media maratón. Esta vez en Ferrol. Quen sabe como chegaremos alá.

Foto grazas a maridopi

Clasificacións:
Oficial aquí

Os nosos

Máis fotos no foro de Correr en Galicia
Vídeo da carrera grazas a karpov

Atletismo: V Maratón Internacional de Zaragoza

2011-11-15T10:44:00.001+01:00

O pasado 6 de novembro Jonal representounos na V Maratón Internacional de Zaragoza.

Jonal no transcurso da proba

Un novo reto para o noso atleta que rematou con éxito segundo nos conta na súa crónica da carreira:

Las sensaciones fueron muy buenas, corriendo con la liebre de 3:30 (Iván Ramírez Bator) hasta el kilómetro 27 y cuando quise pegar un pequeño acelerón para intentar bajar de las 3:30, me encontré con el cierzo de frente soplando a velocidades medias de 60 km/h con rachas de 90 km/h, lo que fue un auténtico muro físico, y no el fisiológico de los 35 km, que en esas condiciones ni lo noté ya que no se podía correr a un ritmo adecuado.

También comentar que durante el recorrido, aparte de los avituallamientos líquidos y sólidos de la organización, estuvo mi pareja Mónica dándome ánimos y trocitos de energía en forma de membrillo (para mí nada mejor pues es un sabroso chute de pura glucosa) en los kilómetros 10, 21, 30 y 35. La pena es que no le di la puerta para que cerrase y no entrase el viento, pero qué se le va a hacer. Y a la llegada, allí estaba esperándome y dándome un último empujón anímico. Así que muchas gracias.

Clasificaicón completa aquí

Jonal fixo o posto 346 de 862 que finalizaron (na categoría veteranos A, fixo o 96 de 218 que finalizaron). Empregou un tempo real de 03:37:50 e un ritmo de 5:09/km (parando polo camiño varias veces por necesidades fisiolóxicas, facendo en si un tempo de 3:36:01).

Tivo moito mérito polo que comenta da climatoloxía, como ben se recolle na a prensa: El Periódico de Aragón

Perfil

Vídeos da chegada en corriendovoy.com

Web da Maratón de Zaragoza

Dende aquí dámoslle a noraboa por lograr este novo reto e enviámoslle moitos ánimos de cara os seus novos obxectivos:

Ya tengo en mente nuevos retos y me parece que si todo va más o menos regular, el trabajo me lo permite y finalmente se realiza, estaré en el I Maratón de A Coruña. Pero antes (creo que es en marzo) tengo en mente correr los 100 km de Madrid, una prueba de ultrafondo en la que se pueden correr 50, 60, 70, 80, 90 o 100 km, corriendo por lo menos 50 km para poder entrar en resultados y de ahí ya se verá cómo me encuentro y sigo dando vueltas para ver si alcanzo alguna de las otras distancias. Ya os contaré cómo va la cosa.

En nada xa lle tocará o turno a Manolo, que nos representará o 27 de novembro na 31 Maratón de Valencia.

Atletismo: 47 Behobia-San Sebastián

2011-11-14T11:48:00.001+01:00

O domingo tamén tivemos representación na 47 Behobia-San Sebastián. Por alá estiveron competindo J. Manuel e Raúl.

Fonte: diariovasco.com

Pouco hai que dicir desta careira. Para quen non a coñeza, son 20 km bastante duros que parten de Behobia (Irún) e remata en San Sebastián. Isto non di nada especial desta carreira se non se menciona que completaron oficialmente o percorrido 19.675 persoas, polo que estamos ante una proba multitudinaria equiparable á maratón de Berlín en canto a participación. Ademais, ambiente fenomenal e festivo, habitual neste tipo de carreiras, onde é máis importante completala que a marca realizada.

Fonte: blog gacelasdemadrid

Como dicimos o perfil da carreira é unha constante de subidas e baixadas, con tres subidas importantes: Gantxurizketa, Puerto de Pasajes e subida a Mirakruz. Normal entón que moita xente chegase en malas condicións á meta, especialmente se se optou por debutar no running nesta proba ou se puxo un obxectivo moi ambicioso.

Os nosos cumpriron cadanseu obxectivo: Raúl fixo a carreira no tempo que viña preparando dende hai tempo, e iso a pesar do catarro que tivo nos últimos días. J. Manuel (Mallo), enfrontouse no só á distancia, na cal apenas tiña experiencia, senón que tamén catou a dureza dun perfil deste tipo, rematando con éxito a proba. Felicidades aos dous!!!

Xa só queda recibilos con entusiasmo cando nos atopemos con eles nos adestramentos.

Calsificacións:
Oficial aquí

Os nosos

Fotos da carreira no diariovasco.com
Vídeos da chegada en corriendovoy.com
Web Behobia 2011

Atletismo: 32 Carreira Popular de Negreira

2011-11-13T23:57:00.001+01:00

Novo domingo de competición para a sección de atletismo do Noitebra. Nesta ocasión tocaba a 32 Carreira Popular de Negreira onde tivemos a oportunidade de lucirnos en gran grupo e con excelentes resultados.


Foto grazas a Marcos L. Como sempre, faltaba xente

Foto de Moncho grazas a moses

Non podo comezar doutra forma que non sexa en forma dun grande agradecemento pola miña parte a todos os que viñestes a representar ao Noitebra nesta ocasión. Uns por estar algo sobrecargados; outros por deixar á marxe compromisos; e aqueloutros que viñeron polo simple feito de pasalo ben no duro percorrido de Negreira... merecedes toda a miña admiración, e aínda que ficamos ás portas de grandes logros, dende o club consideramos o día de onte unha auténtica festa do Noitebra, onde vivimos a emoción de competir por clubs nunha carreira de alta categoría (incluída no calendario nacional), e onde apiques nos facemos coa subvención por finalizar 20 atletas, quedándonos en 19!!! Como algún me dicía: o ano que vén será.

Percorrido da absoluta

Xa pasando a comentar o que foi a carreira, pois como anticipamos, foron 10 km (case homologables) moi duros en canto a perfil, con fortes subidas e baixadas que queimaban as pernas de carallo se pretendías ir a un ritmo esixente todo o tempo. No caso dos nosos nenos, Moisés e Miguel M., tamén tiveron que sufrir o duro perfil nunha distancia de 4,5 km polo centro de Negreira. No que si tivemos sorte foi no clima, parando de chover para a carreira absoluta, e tan só o vento na parte final do percorrido tocaba, nunca mellor dito, as narices.

Perfil da absoluta

Foto de Julio grazas a moses

En canto aos resultados, un keniata faríase coa proba, seguido de Hassan Lekhili moi de cerca. Nas mulleres gañaría Clarisse Cruz, seguida das keniatas.

Nos nosos, e comezando polos nenos, podemos dicir que os dous quedaron moi destacados nas súas categorías. Na absoluta, 4º posto por equipos, por detrás de Sar A Poutada con varios dos seus atletas de elite, O Milladoiro con todas as súas bazas, e o equipo da USC coas vellas glorias dando guerra. Dicir que os 10 primeiros que contabilizamos os puntos chegamos todos en menos de 42 minutos, polo que o consideramos todo un éxito se temos en conta, ademais, que non todos chegamos nas mellores condicións a esta dura carreira.

Foto de Dani grazas a moses

Grazas polo voso esforzo e felicidades pola carreira!!!

Clasificacións:
Absoluta aquí (darlle a buscar)
Infantil-Cadete-Xuvenil aquí (darlle a buscar)

Os nosos

Máis fotos do Noitebra grazas a Marcos L. e Silvia
Máis fotos no foro de Correr en Galicia
Fotoatletismo.com

Campaña de soci@s 2011-2012 do Noitebra F.C.

2011-11-11T20:44:00.001+01:00

Chegou o momento de abrir a a campaña de soci@s desta tempada.

Presentamos o carnet deseñado por Rubén Moñino:

Parte dianteira

Parte traseira

O teredes no voso poder polo prezo de 10 € e xa poderedes presumir de colaborar e pertencer ao noso club. Se isto non é bastante, ofrecémosvos vantaxes en forma de descontos nos seguintes negocios colaboradores:

Amancio Deportes

Avenida de Rosalia de Castro 38, Santiago (situación)

Orto Eladio S. L. Ortopedia Técnica

Rúa Santiago León de Caracas, 6, Santiago (situación)

Marcos Moure Abogados

Rúa Restollal, 79. Baixo comercial. Santiago (situación)

Óptica Ponte Castro. Program Vision

Praza Dr. Puente Castro, 6, Santiago (situación)

Lau Creacións

Delegación. Deseño e impresión dixital: R/Carmen Laforet, 10 , urb. O Combarro, O Castiñeiriño, Santiago (situación)

Centro de produción. Impresión dixital gran formato: R/ Xacinto Rodríguez, 12, baixo,

A Baña (San Vicente) (situación)

Infortecny

Area Central Local 25 Q, Santiago (situación)

Ademais non descartamos que se incorporen novos colaboradores con descontos nesta mesma tempada.

E por se aínda non chegaba coas vantaxes anteriores, os soci@s poderán acceder de forma exclusiva ás ofertas dispoñibles na nosa futura tenda do club, de inminente posta en marcha a través deste mesmo blog.

ANÍMADEVOS A SER DO NOITEBRA F.C.
¿XA TES O CARNET?

NON ESPERES MÁIS!!!

Para facerse soci@ contactar directamente cos responsables de cada sección do club (fútbol e atletismo), ou solicitalo na dirección de correo electrónico noitebrafc@gmail.com, indicado no asunto “socios”.

Atletismo: Convocatoria 32 Carreira Popular de Negreira

2011-11-08T09:09:00.001+01:00

CONVOCAMOS aos/ás nosos/as atletas federados/as dispoñibles para participar na 32 Carreira Popular de Negreira que se celebrará o domingo 13 de novembro, e que terá un dobre aliciente:

Poder competir por equipos na carreira absoluta: son necesarios e puntuarán os 10 primeiros en chegar á meta.

No caso de finalizar a carreira absoluta 20 atletas federados (ou máis) do Noitebra, o Concello de Negreira subvencionaríanos con 3 euros por atleta. De ser o caso (e só nese caso), dende o club nos comprometemos a devolver o custo da inscrición a quen así o desexe.

Lembrade que a inscrición finaliza o mércores 9 de novembro ás 22 h. Realízase a través da web turesultado.es, e que o custo da mesma é de 3 € na categoría absoluta e gratis nas probas de menores.

O voso número de licenza federativa o podedes consultar no voso perfil de champiomchip. No obstante tamén nolo poderedes consultar ao club (Miguel Nogueira “Pirri”: miguelanxo@gmail.com).

No caso dos atletas con licenzas novas, estamos á espera da validación das mesmas, polo que vos podedes inscribir poñendo o DNI, e xa logo remitimos nós á organización dito nº, que pronto figurará no perfil de championchip así como tamén, en breve, na sección sobre o plantel de atletismo no blog.

De ter dificultades para facer a inscrición través da web e/ou facer o pago no banco, comunicarllo a Miguel Nogueira o antes posible para facer os trámites.

Aínda que existe listaxe de inscritos consultable na web turesultado.es, é importante comunicarlle a Miguel a intención de participar para remitir a listaxe de participantes a ser validada pola organización da carreira tal e como se indica no regulamento da mesma. Isto é importante facelo antes de que se peche o prazo de inscrición (ideal antes do mércores 9 de novembro ás 12 h. para ter tempo para preparar a documentación, resolver posibles erros...).

Toda a información da carreira a podedes atopar aquí ou aqui.

Atletismo: 35 Carreira Pedestre Popular do San Martiño, Ourense

2011-11-06T22:42:00.002+01:00

Primeira cita da tempada coa 35 Carreira pedestre Popular do San Martiño en Ourense. Cita xa clásica á que acudimos con moito gusto e que se ten xa consolidado como una das mellores carreiras de Galicia, e incluso maior participación que a Pedestre de Santiago (cun lotazo de xente correndo sen dorsal, seguramente por pecharse a inscrición moi pronto). Por alí estiveron Marcos S., Marcos G., Marcos L., Nacho, Manel, Víctor, Miguel Pirri e a volta ás carreiras de Félix.

Foto grazas a Oscarourense

Nunha mañá fría pola néboa, nos esperaban 10 km homologados ao longo dun perfil con subidas e baixadas continuas. Este fresco facía saír (dende a Ponte do Milenio) con bríos na primeira parte da carreira, que non era precisamente á máis fácil. Logo, riadas e riadas de xente correndo polas rúas de Ourense para rematar na zona do Pavillón dos Remedios, despois de pasar pola Ponte Romana ante un público numeroso.

Perfil

Foto La Región de Ourense

Foto grazas a Oscarourense

Gañou a proba o de sempre: Hassan Lekhili. Nas mulleres gañaría Solange Pereira.
Os nosos foron con ritmos e obxectivos variados, pero sobre todo gozaron desta sensacional carreira polo seu ambiente e organización. E o mellor de todo foi ver a Félix volvendo a competir. Xa nos dirá cales foron as sensacións despois de tanto tempo.

Foto grazas a tito

En resume, gran carreira e gratuíta, que non defrauda co paso do tempo, mantendo en xeral a súa calidade organizativa, destacando, en especial, polo bo trato aos corredores.

Permanecede antentos/as ao blog. En breve convocatoria para participar na Carreira de Negreira.

Clasificación:
Oficial aquí

Os nosos

Máis fotos no foro de Correr en Galicia
Fotoatletismo.com

Atletismo: resume tempada 2010-2011

2011-11-03T01:14:00.000+01:00

E chegamos ao final da terceira tempada oficial (2010-2011) como equipo de atletismo. Xa parece que queda moi atrás cando nos puxemos as zapatillas, nos botamos a correr e logo dixemos, ¿por que non facemos un equipo?

Foto na Pedestre grazas a Shaila

Foto en Santa Uxía de Ribeira

Esta tempada era a da consolidación, e creo que o obxectivo o conseguimos con creces, superando incluso as expectativas (con máis de 20 atletas federados, tivemos representación nunhas 80 carreiras!!!, maior nº de persoas nos adestramentos de grupo en San Lázaro...).

Así mesmo foi unha tempada histórica a nivel de trofeos, marcas persoais... grazas a Shaila, Pepe, J. Ramón, Marcos G... reforzados agora pola incombustible Puri, todo un exemplo de traballo e superación. Pero tamén é de albar, se cabe máis, o traballo e progresión de xente como Fernando, Nacho, Manolo... e en especial Jonal, Fran e Moisés; ou a superación de Julio da man do seu irmán Jose, Moncho e Jaime.

Foto na pascua de Padrón grazas a moses

Fixemos tamén resultados históricos por equipos (en Boimorto, Lestrove...), e creo que estamos logrando algo que ás veces se bota en falta no atletismo, tan caracterizado polo individual: ser un equipo e competir como equipo. É un aspecto esencial en deportes como o fútbol, e aquí o trasladamos como herdanza do que fomos e fixemos no seu día.

Cadro de participacións tempada 2010-11. Pode faltar algunha!!

Foto en Cacheiras grazas a tarzan

E non esquecemos a nosa filosofía de atraer a este proxecto a novos amigos, crecendo como as boas familias, isto é, fomentando as relacións persoais e que todos/as nos coñezamos e nos sintamos próximos e identificados co equipo. Sabedes ben que me gustaría que todos/as cando vexades a algún dos nosos nas carreiras recoñezades quen é e o animedes e apoiedes como a ninguén outro. Sempre axudaremos a iso dende o equipo para que ninguén se sinta estraño ou invisible (en breve planificaremos a cea de celebración da tempada).

Foto en Cacheiras grazas a tarzan

Deste xeito tan familiar chegaron durante o pasado ano as fichaxes de Carlos, Óscar, J. Ramón... e confírmase oficialmente a chegada para esta nova tempada de novos amigos/as da man dun histórico do Noitebra de fútbol como e Manel (Belén, J. Manuel, Rubén, Sebas...), así como a incorporación de Jose, Raúl, Víctor, Marcos L...e non esquezamos a base, os nosos nenos, con Miguel (sobriño de Pepe) e Walter...e os que poidan chegar. Sodes todos/as benvidos/as e aquí estamos para que, sobre todo, gocedes de boa compañía, e logo se chegan bos resultados deportivos, pois xenial.

Foto na Pascua de Padrón grazas a moses

Como director da sección, sigo moi agradecido a todos/as os que confiades en min para seguir con este proxecto socio-deportivo, e son plenamente consciente de que aínda teño por cumprir algunha promesa do pasado, e que tamén teño que velar máis pola xente que o leva pasando mal moito tempo por mor das lesións, como é o caso do noso Félix. Tamén me comprometo a facer maior seguimento personalizado de adestramentos para quen así o demande (non vos cortedes niso), pero sempre na medida da capacidade e coñecementos dun servidor. Lembrade que a nosa idea é a de compartir adestramentos, máis que dirixilos/pautalos na súa totalidade, xa que non queremos que ninguén se nos agobie se non pode cumprir cunha disciplina rutinaria, xa que primeiro é a vida de cada un/unha e logo o demais.

Moisés no cross escolar

Dende o club trataremos de ir ofrecendo novas vantaxes, recursos e servizos ao longo da tempada entrante, ademais de contar cos xa existentes, como é o caso do noso fisioterapeuta no estadio, Jaime Rivas, que nos ten sacado de tantos problemas físicos. E tamén cos servizos doutro dos nosos amigos e fisioterapeuta, Luis Murillo, coas súas inestimables colaboracións a modo de descontos para os nosos atletas.

Marcos S. en Lugo

E non por citalos ao final lle restamos importancia, senón todo o contrario. Todo o que levamos feito sería moi difícil de acadar sen a axuda, un ano máis, das achegas de Marcos Sanmartín (SADEGA), moi salientable se temos en conta a época de crise na que estamos a vivir. Contaremos con el como deportista e como patrocinador para unha nova tempada na que seguro que teremos novos retos.

O Presi

Obviamente non esquecemos ao noso Presi, que sempre está velando porque todo saía da mellor forma posible no plano economico-organizativo, e que quen sabe se en pouco tempo definitivamente se une a nós de forma estable no plano deportivo, no que xa debutou coa Pedestre santiaguesa.

Moita sorte na nova tempada e un millón de grazas o todos/as!!!
Vamos Noitebra!!!

Miguel Nogueira

Director da sección de atletismo

Atletismo: XXXIV Carreira pedestre Popular de Santiago

2011-11-01T01:36:00.001+01:00

Rematamos a tempada correndo na casa, na XXXIV Carreira Pedestre Popular de Santiago. Como era de esperar, alta participación da xente do Noitebra, e como di Fran, cada día somos máis, polo que xa se fai complexo facer seguimento de todos, pero si podemos concretar que estivemos 19 atletas noitebros na carreira absoluta e 3 na dos escolares.

E non estabamos todos!!! Foto grazas a Shaila

Foto grazas a xinzo

Entre o público, moita xente dos nosos ao estar, como dicimos, na casa, e en especial destacar o ánimo e apoio de Belén, Shaila, Manel... e moitos outros familiares dos nosos que andaban polo Obradoiro.

Circular 66-2011 da Federación Galega de Atletismo.

Creo que xa sobra dicir o que supón esta carreira para un santiagués: correr nunha contorna inigualable e ser protagonista na túa propia cidade. É, polo tanto, unha auténtica festa do deporte, e este ano mesmo o clima estivo de fábula. No obstante, como sempre, quedaba por facer o duro percorrido da Pedestre, que este ano volvía ao circuíto máis ou menos tradicional dos 12 km, polo que non todo ía ser un camiño de rosas xa que por diante quedaban as duras de costas que caracterizan a nosa carreira.

Perfil

Foto grazas a xinzo

Boa participación na categoría absoluta e na escolar, o cal permitiu ver algo case insólito na nosa cidade: as rúas e estradas tomadas por un río de xente, e non polos coches, que desembocaba como sempre nun marco inigualable como é o Obradoiro. Incluso este ano a organización foi case sobresaínte, polo que ao final todos/as no felicitamos polo éxito da carreira.

Foto grazas a xinzo

E que dicir xa dos nosos, baixando todos dunha hora na carreira absoluta, con tempazos para Carlos, Raúl e Óscar..., e cos nosos nenos, Moisés, Miguel M. e Walter en postos moi destacados na carreira escolar. E o mellor, ese sentimento e identidade co equipo de todos nos, conformando unha auténtica familia. Foi pois a guinda a unha tempada chea de éxitos.

Foto grazas a Jesus B.

En nada xa toca facer balance do que foi o ano de actividade case frenética no equipo de atletismo.

Clasificacións:
Oficial absoluta
Oficial escolares

Os nosos

Máis fotos no foro de Correr en Galicia

Vídeos da chegada en corriendovoy.com

Atletismo: Licenzas 2011-2012

2011-10-26T19:19:00.000+02:00

ACTUALIZAMOS 26/10/2011

Xa temos a circular sobre o seguro deportivo. Por sorte non subiron as cuotas con respecto á tempada pasada. Lembramos que os rapaces en idade escolar teñen o seguro cuberto polo Programa XOGADE da Xunta de Galicia. Pregamos que non vos retrasedes co abono desta nova cuota para formalizar todas as licenzas e seguro antes da Carreira Popular de Negreira, se é que a aplicación informática nolo permite facer a tempo.

CUOTA SEGURO DEPORTIVO 2011/2012
Maiores 35 anos	30 €
Ata 35 anos	28 €
Junior/Xuvenil	15 €
Cadete	15 €
Menores de 14 anos	12 €

Xa estamos en proceso de renovación e formalización de novas licenzas de atletismo para a tempada 2011-2012. ~~Aínda está pendente de publicarse a circular relativa ao seguro médico.~~

Prégase aos nosos/as atletas que abonen a cuota que lle corresponda o antes posible para que o club poida tramitar as licenzas o antes posible.

Tamén necesitamos unha foto tamaño carnet en papel ou dixitalizada dos que ides facer licenza por primeira vez .

CUOTA LICENZA FEDERATIVA 2011/2012
ATLETAS CON FICHA POR CLUBES GALEGOS	AUTONÓMICAS FGA
	Veterano	10 €
	Senior	10 €
	Promesa	10 €
	Junior	10 €
	Xuvenil	10 €
	Cadete	2 €
	Infantil	2 €
	Alevín	2 €
	Benxamín	2 €

CATEGORÍAS POR ANO DE NACEMENTO

Homes e Mulleres

VETERANO: dende o día que cumpren 35 anos

SENIOR: nacidos/as en 1989 e anteriores, ata veterano

PROMESA: Nacidos/as en 1990, 1991 e 1992

JUNIOR: nacidos/as en 1993 e 1994

XUVENIL: nacidos/as en 1995 e 1996

CADETE: nacidos/as en 1997 e 1998

INFANTIL: nacidos/as en 1999 e 2000

ALEVÍN: nacidos/as en 2001 e 2002

BENXAMÍN: nacidos/as en 2003 e 2004

Licenzas Tempada 2011-2012
Circular 68-2011 da federación Galega de Atletismo
Seguro Deportivo Tempada 2011-2012

Atletismo: XII Carreira Popular de Ames

2011-10-25T01:27:00.000+02:00

O domingo o Noitebra tamén tería representación na XII Carreira pedestre de Ames. Un bo lote dos nosos estivo por Bertamiráns: Pepe, J. Ramón, Miguel T., Jaime, Moncho, Jose, Julio, Óscar, Carlos, Marcos L., Puri, Victor, Jeanett, e os rapaces Moisés e Miguel M.

Saída dada polos catro fantásticos. Foto Concello Ames

Como ben nos transmitiu Fran, tamén estivo un día de cans nesta zona, aínda que durante a competición a choiva respectou bastante aos corredores. En canto á carreira, e a pesar do tempo, tivo moita participación en todas as súas categorías. O perfil da absoluta, de 7,5 km, era máis ou menos chan, polo que resultou bastante rápida, resultado gañador nos homes Robertas Geralavicius e Mela Penas nas mulleres.

Perfil

Nos nosos, boa carreira de Carlos e Óscar, xa afinando as pernas para a carreira de Santiago, e chegada case en bloque de Victor, Jose, José Ramón, Marcos..., salientando a carreira de Fran, que corría na casa. Destacar a continuidade de Julio, Jaime, Moncho, Miguel T., moi participativos nas últimas semanas. Boa carreira tamén das rapazas, que fixeron promedios ben por debaixo dos 5 minutos/km. Segundo testemuñas do lugar, estoupada de Pepe, que non tivo o día e lle faltaron forzas ao final. Desquitarase, seguro, en Santiago.

Na carreira escolar, en alevíns, fenomenal resultado de Miguel M. (sobriño de Pepe e Puri), e melloría moi importante de Moisés, empregando 1 minuto menos que o ano pasado na carreira dos cadetes.

Como nos conta Fran, podemos dicir que esta carreira foi unha boa pedra de toque de cara a pedestre santiaguesa.

En canto á organización, nota altísima á mesma, por soportar a dureza do clima e polo trato ao corredor aínda sendo gratuíta. Parabéns!!

Clasificacións:
Oficial absoluta
Oficial escolares

Os nosos

Fotos cando se publiquen

Atletismo: XVI Media Maratón de Pontevedra

2011-10-24T15:35:00.001+02:00

O Noitebra participou na XVI Media Maratón de Pontevedra o domingo pola mañá, nun día de inverno con chuvia e, sobre todo, moito vento na cidade do Lerez.

Foto grazas a Albertinho

Representarían ao noso equipo J. Manuel, Fernando, Nacho, Raúl e Miguel. Sería baixa Dani por problemas físicos. Dende o público animación e apoio de Manel e Belén, xunto co pequecho desta.
Iamos coa incerteza do clima, xa que en Santiago aínda non chovía cando partimos, pero ao chegar a Pontevedra xa vimos que era cuestión de minutos que comezase a chover. Pero o peor era o vento racheado e intenso en moitas zonas próximas ao río.

O percorrido xa o coñeciamos da edición pasada, cunha pequena diferenza con respecto ao ano pasado, a súa homologación, polo que había que percorrer algún metriño máis que hai un ano. Percorrido case chan, pero moi revirado, con moitos xiros e curvas na zona centro, nun circuíto no que había que completar dúas voltas para rematar dentro do estadio de atletismo (Centro de tecnificación).

Perfil

A carreira pois, complicada polo clima, con zonas de abundantes charcos e vento en contra moi forte. Menos mal que a temperatura era boa para a competición (sobre 18 grados). O peor viña ao rematar, totalmente empapados en auga máis que en suor, e que grazas ao apoio de Manel e Belén puidemos minimizar o frío.

Foto grazas a Albertinho

Na chegada, como sempre nesta carreira, rápida transición para recoller nunha bolsa un avituallamento ben completo. Felicitamos a toda organización polo esforzo realizado nun dia tan complicado como este, e en especial destacar aos voluntarios/as que non deixaron de animar aos corredores ao seu paso polos cruces e avituallamentos. Tamén tivo moito mérito o público presente nun día de cans, permanecendo horas baixo a choiva, animando o paso dos corredores.

Sobre a clasificación xeral da carreira, resultou gañador Hassan (si, ese home que leva gañando todas as carreiras ás que vai dende hai xa non sei canto tempo) nos homes e Yolanda Gutiérrez nas mulleres.

Foto grazas a Albertinho

En canto aos nosos, creo que polo día que estaba, pola saída en frío coa choiva, todos fomos ben rapidiño, destacando a Fernando por cumprir co previsto, J. Manuel por debutar na distancia e rematar con moi boas sensacións de cara á Behovia, e Nacho, que a pesar de ter certo grao de arrefriado e estar a punto de abandonar no inicio, rematou correndo a mellor ritmo do previsto. Finalmente Miguel e Raúl fixeron marca persoal na distancia. E no caso deste último a pesar prexudicarlle un tremendo flato na metade da carreira.

En fin, visto o día, podemos darnos por moi satisfeitos.

Clasificación:

Oficial

Os nosos

Fútbol: Noitebra 2 - San Pedro 2

2011-10-18T00:25:00.002+02:00

O Noitebra empata a 2 ante o San Pedro despois de culminar a remontada na segunda metade cos goles de Pedro.

Xa temos a crónica do Mister:

Tarde-noite soleada, pero fresca. Sexta xornada de liga na que nos enfrontabamos a un San Pedro en progresión.

Con Cela na portaría, formamos unha primeira liña de tres centrais con Agustín, Martín e Miguel, actuando Álex e Rubén como carrís, Taboada gardando as costas e un medio de creación con Pedro, Iago e Manuel; en punta Simón

Iniciamos o partido ben asentados e dando mostra de que podiamos facer algo. Boas combinacións no medio campo, pero que se diluían preto da portaría rival. Na liña defensiva, algún desaxuste na marca e na saída de atrás, fíxonos dubidar e concedemos algunha ocasión, unha das cales rematou en gol. O equipo non se veu abaixo e intentou sen éxito marcar un gol.

A segunda parte comezámola espesos e como consecuencia encaixamos un segundo gol. Tiramos de casta e arriscando conseguimos facer un gol a balón parado tras unha falta botada por Manuel e rematada de cabeza maxistralmente por Pedro. Cos cambios realizados que deron frescura ao equipo, e tras unha incursión por banda que rematou en penalti sobre Agustín, Pedro transformaría o empate merecido.

Boas sensacións principalmente nun medio campo que nos pode dar alegrías e bo xogo.

Lamentar a lesión de Rubén. Estamos á espera de saber o alcance da mesma.

O próximo partido será o domingo 23 de outubro, ás 12.45 h. do mediodía contra o Urban nas Cancelas.

Máis información no espazo de fútbol do Noitebra.

Atletismo: I Carreira da Auga, Sada

2011-10-17T00:00:00.002+02:00

Nova xornada atlética para o Noitebra. Nesta ocasión sería na I Carreira da Auga (UNICEF) de Sada.

Foto grazas á muller de Marcos L.

Representarían ao noso club Marcos L., Manolo, Nacho, Fernando e Miguel Pirri. Ademais tamén estaría gastando zocas Pablo, xenro de Manolo. Previamente á carreira absoluta (con hora de saída ás 12 h.), xa os pequechos de Marcos estarían participando nas carreiras escolares.

O percorrido da carreira dos “maiores”, de 10 km., tería algo de trampa, como ben confirmaron os organizadores no foro de Correr en Galicia, habendo algunha costa arriba máis das previstas, facéndose o perfil algo duro a pesar de rematar en baixada e cun quilómetro final chan e case interminable polo paseo marítimo ata a meta.

Perfil

Foto grazas a Marcos L.

Bos resultados nos nosos, con Marcos e Nacho facendo marcas persoais na distancia.
Pero o mellor foi que o recadado nesta carreira tiña unha boa causa (UNICEF) e a xente non fallou con máis de 700 persoas entre os escolares, maiores e participantes na andaina.

Felicitamos ao Club Atletismo Sada polo esforzo feito na organización de carreira e pola autocrítica que demostra as gañas de mellorar en vindeiras edicións.

Clasificación:

Oficial absoluta

Os nosos

Fotos grazas a Marcos L.
Máis fotos en Correr en Galicia

Atletismo: Carreira Decathlon Santiago 16 de outubro

2011-10-15T11:17:00.000+02:00

Non temos moita información, pero sabemos que mañá domingo 16 de outubro está programada unha carreira popular organizada por Decathlon Santiago. A inscrición é ata hoxe sábado 15 no propio comercio. Máis información na tenda ou no nº de teléfono que figura na imaxe.

Atletismo: XIII Carreira Popular Lestrove 2011

2011-10-13T19:33:00.001+02:00

O Noitebra Atletismo triúnfa no forno de Lestrove na tarde do día do Pilar. Día para lembrar, en sentido negativo e positivo na XIII Carreira Popular Lestrove 2011, nun día de tremendo calor no que foron da partida Marcos L., Puri, Miguel Pirri, Fran, Manolo, Rubén, José Manuel, Manel, Carlos, Miguel T., J. Ramón, Víctor e Jeanette. Sahila e varios familiares dos nosos estarían dándonos ánimos dende o público.

Foto de Shaila (fáltanos Marcos L.)

Non esaxeramos co de forno, xa que no momento da saída, sobre as 18.30 h. (carreira absoluta), había uns 30 grados de temperatura. E menos mal que o percorrido era case que chan na súa totalidade, nun circuíto de dúas voltas para completar un total de 10 km.

Perfil

Enorme participación de atletas populares e federados en todas as súas categorías nunha carreira gratuíta que ano a ano se supera grazas ao tremendo esforzo dos organizadores, voluntarios e o bo facer da Delegación de Atletismo de Santiago.

Manolo e Puri co trofeo desta

Foto de Shaila

En canto aos nosos resultados, inmellorables, con Puri de 1ª na súa categoría e o noso club 3º por equipos. Como dicimos, carreira de supervivencia na terra e asfalto de Lestrove, pero grande satisfacción polo conseguido.

Grazas e felicidades a todos/as os que participastes!!!

Clasificacións:
Oficial absoluta
Premios

Os nosos

Fotos de Shaila
Máis fotos no foro de Correr en Galicia

Atletismo: IV Carreira Popular Coruña 10. Campionato Galego 10 km.

2011-10-09T21:10:00.001+02:00

Este domingo o Noitebra participou no Campionato Galego de 10 km. e IV Carreira Popular A Coruña 10, celebrado na cidade herculina.

Alí estiveron Marcos S., Marcos G., Jaime, Jose, Julio, Moncho, Abel e Óscar. De espectadores e animadores Félix e Miguel.

Foto FGA

O percorrido xa é ben coñecido: 10 km homologados con saída e chegada nos Cantóns despois dunha volta polo paseo marítimo da cidade. Primeira zona rápida polo fervor da saída, pero picando cara arriba, e una segunda parte dende Riazor máis propicia para aumentar o ritmo se un chega con forzas. O día, inmellorable, con fresquiño ao inicio e sen pasar de 20 graos cara o final. A participación, como non era de esperar, moi nutrida de atletas federados e populares (foron case 2000 os que finalizaron a carreira absoluta).

Foto FGA

Entre as figuras, pois case que os de sempre: Platas, Hassan, Villamor, Akka,Robertas, etc. En homes, Solange Pereira, Patricia Mendes, Yolanda Gutiérrez, Raquel Suárez e Esther Pedrosa… nas mulleres. Vencedor absoluto nos homes, Hassan, con pouco máis de 30 minutos, e despois de gañar a semana pasada o Maratón de Ourense!!! Nas femias sería Solange Pereira, con algo máis de 35 minutos. No campionato galego gañaría Platas na categoría masculina e Patricia na feminina.

Nos nosos, papel destacado para Óscar, Jose, Abel... sen esquecer a melloría de Marcos S. nesta carreira e tamén a posta a punto de Jaime para a pedestre, ou a recuperación pouco a pouco de Julio. Felicitacións en xeral para todos que nos representaron moi ben nunha carreira na que se fixo estraño non ver correr a Félix, Nacho, Fernando, Manolo... habituais nestes últimos anos, pero que por motivos varios non foron da partida. É ilusionante ver que, a pesar das ausencias, o equipo xa ten plantel amplo para desdobrarse. Grazas a todos por formar parte do noso club!!!

En canto á organización, pois a pesar de ser un campionato, defectos a pulir: caída na saída solucionable con queixóns de saída, avituallamento da careira mal situado, avituallamento final escaso, etc. No obstante hai que agradecer o esforzo realizado por todos os voluntarios, árbitros, etc., nunha carreira con tantos atletas.

Clasificación:
Oficial absoluta
Campionato Galego 10 km.

Os nosos

Máis fotos:
Foro Correr en Galicia
FGA

Fútbol: A Inmaculada 1 - Noitebra 2

2011-10-05T00:23:00.004+02:00

E na quinta xoranda chegou a primeira victoria do Noitebra. Sería por 1-2 ante o equipo de A Inmaculada.

A continuación a crónica do mister:

Quinto partido e como non hai quinto malo, gañamos o noso primeiro encontro da tempada. Con Cela en porta, cunha liña de tres: Agustín, Enrique e Martín, con Pedro por diante, Rubén e Nahuel exercendo de volantes, Taboada e Manuel tentando crear xogo, e dúas puntas para Simón e Alberto.

Saímos ben, e durante o primeiros dez minutos non houbo apenas problemas, pero o ímpeto do rival e as entradas ao límite fixéronnos recuar e non nos deixaron ter o balón, o cal o perdiamos con facilidade. Encaixamos o gol nunha falta ao borde da área que o noso porteiro incomprensiblemente deixou entrar. Non calculou ben onde estaba a portería e o balón pegou suavemente no pau e entrou.

Ao fío do descanso tivemos un par de ocasións (de Simón e Alberto) que nos deron confianza para saír na segunda parte moito máis enchufados e con máis gañas. Un golazo de Alberto en xogada persoal deunos aínda máis moral. E o partido converteuse nun correrúas no que a sorte e o bo facer da nosa liña defensiva evitaron un segundo gol en contra. Á saída dun córner, e tras varios rexeites, Agustín atopou un balón solto que o converteu na nosa primeira vitoria. Logo a sufrir.

A vindeira xornada será de descanso, e non se xogará ata o fin de semana do 15-16 de outubro contra o San Pedro.

Próximos adestramentos, o mércores 5 de outubro ás 21.30 h. en Villestro e o venres 7 de outubro ás 21 h. nos exteriores do estadio de San Lázaro.

Mías información na friquiweb de fútbol do Noitebra.

Atletismo: XXIX Carreira Pedestre da Amaia, Brión

2011-10-04T00:43:00.000+02:00

Deixámosvos a crónica de Jaime sobre a carreira de Brión, onde ademais de el, estiveron representando ao Noitebra, Óscar, Carlos, Miguel T., J. Ramón, Jose e Moisés (espero non esquecerme de ninguén).

Mañá veraniega para empezar o mes de outubro correndo a XXIX CARREIRA PEDESTRE DA AMAIA 2011, por terras de Altamira, Concello de Brión, ao pé da Carballeira de Santa Minia, dende onde se deu a saída a esta carreira clásica da comarca compostelá.

Foto grazas a moses

Percorrido garzas a Flipy

Houbo unhas cantas modificacións con respecto a anteriores edicións, entre elas unha saída en costa, ou máis que costa "costón" de algo máis de 1 km, que xa puxo a cada un no seu sitio ;) .

Perfil grazas a Flipy

Foto grazas a moses

Posteriormente uns 4 km de baixadas a tumba aberta, con algún que outro tobogán, para posteriormente encarar unha parte final de recta picando sempre cara arriba, cun desnivel constante, pero non demasiado elevado, para por último virar e achegarse novamente ao lugar de partida, nas inmediacións do Concello de Brión, baixo os carballos centenarios que foron vendo chegar aos corredores desta carreira dura e explosiva que sempre deixa bo sabor de boca.

Foto grazas a moses

Bo ambiente e excelentes condicións climatolóxicas para esta mañá de domingo, correndo esta carreira que xa é un clásico da contorna compostelá, preludio a entre outras a Carreira Pedestre de finais de outubro.

Foto grazas a moses

Un saúdo aos noitebros, tanto aos xa coñecidos como aos novos, algúns dos cales coñecín este domingo ao longo da carreira. E parabéns tamén aos maratonianos de Ourense!!

Foto grazas moses

Foto grazas a moses

Clasificacións

Oficial aquí

Os nosos

Atletismo: V Maratón do Miño, Ourense

2011-10-03T18:22:00.001+02:00

O pasado domingo novamente nos enfrontamos ao reto dos 42.195 metros. A cita sería un ano máis en Ourense, no V Maratón do Miño.

Nacho, á dereita, animando a Miguel. Foto grazas a tito.

Dani nunha das ramplas. Foto de tito

Bo madrugón (7 da mañá) para saír cara Ourense. Tres serían os maratonianos: Dani, Pepe e Miguel. Teríamos tamén un equipo de relevos na distancia: Fernando, Manolo e Nacho, que ademais estarían moi atentos ao que facían os maratonianos, dándolle sempre ánimos e axuda, especialmente na chegada, onde xa chegábamos bastante prexudicados. A foto de enriba dá fe deste ánimo incondicional dos nosos na carreira, con Nacho animando dende a zona de relevos...

A distancia?, xa a sabedes. O percorrido?, tres voltas a un fermoso circuíto ao carón do río Miño, con terreo mixto (terra/area, cemento, asfalto, empedrado...) e bastantes subidas e baixadas, pero non excesivamente longas. O clima?, sorte tivemos de saír ás 9 h., xa que non comezou a pegar ben o sol ata as 13 h., pero na última volta xa se notou abondo (en torno aos 25 grados e subindo).

Perfil da carreira

Pepe nos últimos 200 metros. Foto de tito

Ao final, obxectivo cumprido, finalizando os tres maratonianos a carreira e co equipo de relevos facendo menos de 3 horas e 30 minutos. Gran tempo de Pepe que superou con creces o seu obxectivo, e rematando bastante enteiro. Moito mérito tivo tamén Dani, que se atreveu a participar a pesar de non ter a preparación que el desexaría. Ademais tivo problemas nas costas que o limitaron bastante, pero aínda así non se rendeu.

No meu caso (Miguel), obxectivo cumprido en canto á marca, pero fiquei coa mel nos beizos ao ir boa parte da carreira (ate o km 30 máis ou menos) con posibilidades de baixar das 3 horas, pero primeiro as molestias nos cuadríceps (que xa me viñan avisando algo dende o día anterior) e os nefastos últimos 5-6 km ao quedar desfondado por non ter xa material para avituallar, fíxome caer en picado, e menos mal que parei uns minutos no último avituallamento faltando uns 4 km para o final no que aproveitei para tomar plátanos e isotónicas. No obstante o mal xa estaba feito e só quedaba tratar de chegar, como así foi ao final. Iso si, contento e pensando xa en seguir superándonos.

Foto grazas a tito

En canto á organización, dicir que este ano foi xenial, xa que ao chegar tivemos todas as facilidades para recuperarnos (comida a fartar, bebida...) ademais de diferentes agasallos. Tan só farían falla unhas esponxas e duchas no percorrido para refrescarnos, co se fai noutras carreiras de longa distancia, pero quen ía dicir que en outubro, en Ourense, habería 30 grados.

Foto grazas a tito

En definitiva, todo moi ben, e seguiremos co reto o próximo ano. Alguén máis se suma???

Clasificacións

Oficial individual aquí

Oficial relevos aquí

Os nosos

Máis fotos no foro de Correr en Galicia

Atletismo: XIV Carreira Popular Concello de Arteixo

2011-09-27T23:57:00.000+02:00

O pasado domingo tivemos representación na XIV Carreira Popular Concello de Arteixo.

Foto grazas a tarzan

Percorrido grazas a flip

Neste caso foi J. Ramón, que participou nesta carreira de algo menos de 12 km (uns 11.800 metros), de perfil con lixeiras subidas e baixadas.

Perfil grazas a flip

A organización do evento recibiu moi boas valoracións en todas as súas dimensións, destacando a gratuidade da mesma. Non é de estrañar por tanto a alta participación de atletas na mesma (remataron máis de 360 persoas).

En canto ao noso compañeiro, realizou una boa carreira, rematando no posto 54 da xeral e 6º na súa categoría, empregando un tempo de 48:22, cun promedio real de 4:06 o km.

En definitiva, carreira moi recomendable e a ter en conta en vindeiras edicións.

Clasificación
Oficial aquí

Máis fotos no foro de Correr en Galicia

Fútbol: Noitebra 0 - Velacruz 2

2011-09-26T09:37:00.000+02:00

Nova derrota do Noitebra por 0-2 ante o Velacruz no partido xogado o domingo pola tarde-noite en Villestro. En xeral o sentimento compartido dos xogadores é que se vai progresando no axuste do equipo, pero aínda hai bastante por mellorar tanto no plano físico como no técnico-táctico.

O bo de todo isto e que xa hai que pensar na próxima xornada, que será contra A Inmaculada.

O partido xogarase o domingo 2 de outubro, ás 19:30 h. no campo de A Barrosa (Villestro).

Atletismo: V Carreira Popular Concello de Boimorto

2011-09-19T11:23:00.001+02:00

Xornada histórica por o Noitebra Atletismo na V Carreira Popular do Concello de Boimorto, celebrada na mañá do domingo.

Walter na entrada a meta. Foto grazas a foucellas

Escolares
Absoluta
Premios

Día completo o que nos esperaba en Boimorto, xa que os nosos, dende primeira hora cos máis pequenos competiron a un moi bo nivel. Marcos L. e familia, Manolo e familia, Pepe, J. Ramón, Fran, Raul, Jose, Julio, Óscar e Miguel estiveron presentes nesta carreira de 6,3 km con perfil variable e que tiña boa parte do seu percorrido por camiños de monte.

Perfil

Fleky, ademais de acompañarnos, foi o noso chofer particular (mil grazas!!). Shaila acompañounos entre o público, así como outros coñecidos como Cesar (ficha xa!!!).

Xa nas carreiras da categoría chupete, un dos pequenos de Marcos L., Nicolás, conseguía triunfar, como o leva facendo nas últimas carreiras. E de grande ilusión (polo seu esforzo e traballo adestrando estes últimos meses par a par con Manolo) foi ver como Walter finalizaba 3º na súa categoría. Felicidades para ambos!!

Foto grazas a foucellas

Na carreira absoluta, tocaba tamén participar por equipos, e a cousa non estaba nada fácil polo nivel presente. No obstante o noso club presentaba un equipo case de gala para ir a tope a ver se tiñamos sorte. Competimos a bloque chegando a meta os catro atletas puntuables, Raul, Miguel, Óscar e Jose, en apenas 10 segundos de marxe; e moi preto tamén o trío formado por Fran, J. Ramón e Pepe, completando con creces os 6 atletas regulamentados para finalizar a carreira. Por se fose necesario tamén estiveron a bo nivel Marcos L. e Julio, que volvía a competir dende Esgos, sen esquecer a Manolo, que se está afinando para o relevo do Maratón de Ourense e posiblemente a súa participación no de Valencia.

O resultado foi inmellorable, cun 3º posto inesperado. Xusto é dicir que posiblemente o Coruña Comarca, que puntuou mellor, algunha incorrección cometeu na inscrición regulamentada, o que facilitou a nosa premiación. Aínda así, obtivemos a nosa mellor puntuación dende que competimos por equipos (109 puntos). Felicidades a todos, xa que sen o voso esforzo nada desto sería posible.

Foto enviada por J. Ramón

Foto grazas a foucellas

Ao final, bo avituallamento en meta e regalo de camiseta técnica. E o mellor a recollida dos trofeos e diploma por parte dos nosos con grande alegría polo logros acadados nesta cada día mellor Carreira de Boimorto.

Grazas á organización e Concello por todo o esforzo realizado.

Máis fotos [Amosar/Ocultar]

Clasificacións

Os nosos

Por equipos

Fotos de Marcos L.

Máis fotos da carreira no foro de Correr en Galicia

Fútbol: Conxo 7- Noitebra 0

2011-09-18T23:45:00.000+02:00

Dura derrota do Noitebra por 7-0 co Conxo no seu campo na tarde do domingo.

Próximo encontro contra o Velacruz, o domingo 25 de setembro ás 19.30 h. no campo da Barrosa (Villestro).

Ricardo Abad en Santiago

2011-09-16T12:01:00.000+02:00

O 350 resultou ser o número de maratóns que completou Ricardo Abad en Santiago. Na mañá do xoves acercámonos por alí para darlle o noso apoio para superar o seu reto dos 500 maratóns, como ben destacamos no post anterior.

Atendendo aos medios

En plena Praza de Abastos, Pronokal, parte importante deste desafío, ofrecía a posibiliade de facer medicións de altura e peso para logo determinanr IMC (índice de masa corporal). Un servidor pasou pola proba cun peso de 56,9 kg, dos cales 4,1 kg correspondían a grasa (grado de obesidade -12,6%). Pouca recomendación me ofreron máis que seguir así.

Logo unhas palabras con este fenómeno, que xa ten un amplo historial de fazañas deste tipo, como poderedes comprobar no seu blog: http://www.ricardoabad.com

Foto na saída. Fonte: o seu blog

Ás 12 h. comezaba o maratón nun percorrido por Santiago, que calificou como duro. Non podía ser doutra maneira na nosa cidade.

Ricardo por Santiago. Fonte: o seu blog

Percorrido. Fonte: o seu blog

Ao final obxectivo cumprido en 4 horas e 21 minutos, e sen pausa, camiño xa para a próxima cita en Zamora.

Dende aquí trasladarlle as nosas felicictacións pola iniciativa e desexarlle o éxito final no reto pola causa: recaudar fondos para ANFAS

Ricardo Abad: o reto dos 500 maratóns

2011-09-14T17:25:00.000+02:00

Chéganos a seguinte información vía correo electrónico:

¿Tienes un reto y te gustaría que te ayudaran a conseguirlo?

Este jueves, día 15 de septiembre llega a Santiago de Compostela la iniciativa “Nos gusta la gente que supera retos” de la mano de Ricardo Abad, quién correrá su maratón 350 de los 500 consecutivos que conforman su reto

Puedes acercarte a partir de las 10h al Mercado de Abastos de Santiago de Compostela, para participar del circuito “Cuida tu salud”: presentar tu RETO en el ‘Buzón de los retos’, hacerte pruebas médicas, realizar sesiones de Actividad Física y conocer a Ricardo Abad.

Ricardo Abad es el embajador de la primera edición de “Nos gusta la gente que supera retos”, una iniciativa impulsada por PronoKal®, empresa especializada en el tratamiento de la obesidad y el sobrepeso. Esta campaña pretende ayudar al desarrollo de proyectos que mejoren la salud de la población, con una dotación económica anual para el reto escogido.

Podrás participar en el circuito de actividades “Cuida tu salud” y conocer a Ricardo Abad, que se ha propuesto correr 500 maratones consecutivos con la finalidad de promover la actividad física como hábito de vida saludable y, además ayudar a ANFAS, Asociación Navarra en favor de Personas con Discapacidad Intelectual.

Y lo más importante es que tendrás la posibilidad de presentar tu reto y conseguir una dotación económica y material para ayudarte a desarrollar un proyecto que ayude a mejorar la salud de la población.

¡Tú también puedes convertirte en el embajador de la segunda edición de la iniciativa!

El Buzón de los Retos lo encontrarás en la entrada del Mercado de Abastos. Puedes consultar las características específicas para presentar tu reto a través de la página web www.pronokal.com, en la sección concreta de la iniciativa.

Además, a partir de las 12h podrás correr con Ricardo Abad desde el Mercado de Abastos durante su 350 maratón diario y darle soporte en la consecución de su reto: correr 500 maratones consecutivos.

Todo aquel que lo desee puede unirse y realizar unos kilómetros de su reto junto a él. Puedes acompañarlo a pie, corriendo, en bicicleta, en patines, en patinete… ¡Como más te guste!

La ruta inicia en el mismo Mercado de Abastos, se toma dirección sur por la Rúa Das Ameas hasta el parque Alaneda y Caballeria de Santa Susana donde se cogerá dirección la Rúa do Campo do Cruceiro do Gaio. Se sigue en esta dirección hacia el barrio de San Paio do Monte hasta la Rúa das Casas. Por Rúa Hortas, se llega a la plaza de la catedral y se adentra en la Rúa do San Francisco hasta encontrar la Travesa das Ruas Portas. Llegando al final del recorrido se encara la Rúa da Acibecheria y se busca la Rúa de san Bieito y Rúa de Santo Agostiño alcanzando ya de nuevo al mercado de Abastos.

¡Anímate y participa con “Nos gusta la gente que supera retos”!

Blog de Ricardo Abad: http://www.ricardoabad.com/

Xa o sabedes, se tedes a posibildiade de ir, non a desaproveitedes. Algún de nós estará por alí en representación do club sobre as 10 h. Lástima non ter tempo para poder acompañalo no seu reto.

Atletismo: 20 Carreira Gundián 2011, Ponte Ulla (Vedra)

2011-09-12T21:15:00.002+02:00

O pasado domingo pola mañá o Noitebra participou na 20 Carreira Gundían 2011. Foi case sen tempo para recuperar do día anterior, pero a tradición manda e non quixemos faltar a esta cita. Así, dobraron do día anterior en Ribeira, Pepe, Nacho e Miguel, que se atoparon alí con Moisés, Óscar, J. Carlos, e as que serán novas incorporacións ao equipo, Miguel T. e Marcos L.

Foto grazas a Marcos L.

Fotos grazas a moncho (Correr en Galicia)

Este ano a carreira recuperaba o seu paso polo alto da vella ponte do tren, enriba da capela de Gundián, e tan só variaba o percorrido orixinal nunha pequena parte da baixada ata Ponte Ulla. En total serían uns 4 km por un percorrido tremendamente duro, pero co grande atractivo do paso pola ponte así como polo trato da xente do lugar.

Perfil

A carreira, como sempre, con saída a aire de bomba de palenque e a dar caña polas costas arriba iniciais. O clima era aínda máis húmido que o sábado, notándose o bochorno na parte final. En canto a participación, repetirían tamén do día anterior Platas e Akka, primeiro e segundo respectivamente. En mulleres gañaría Raquel Pedrosa, sendo segunda Mela Penas.

Foto grazas a tarzan

En canto aos nosos, chegada a bloque de Óscar, J. Carlos e Miguel, seguidos de cerca por Pepe e Marcos L. que tamén debutaba na proba e catou as costiñas a Gundián. Moi boa careira de Moisés, que aínda sendo cadete tivo que facer o percorrido cos maiores, pero por sorte tivo a boa compañía de Miguel T. Nacho corría case na casa diante de familia e cumpriu con creces despois de correr o día anterior.

Ao final medalla, avituallamento e a esperar polos sorteos habituais.
Felicitar novamente á organización por permitirnos gozar dunha carreira deste tipo e a tan poucos minutos da casa.

[Amosar/Ocultar]

Clasificación
Cando se publique

Máis fotos no foro de Correr en Galicia

Fútbol: Noitebra 0 - Victoria 4

2011-09-12T20:23:00.002+02:00

Dura derrota do Noitebra por 0-4 ante o Victoria no partido xogado a tarde-noite do domingo en Villestro.

O próximo partido será contra o C.D. Conxo, que golea aos seus rivais de 4 en 4, e comparte liderato cun bo lote de equipos neste inicio de liga.

En breve daremos información sobre a celebración do encontro na cabeceira do blog.

Atletismo: XIV Carreira de Santa Uxía de Ribeira

2011-09-11T23:02:00.000+02:00

A tarde do sábado o Noitebra pechou a súa participación no IV Circuíto de Carreiras de Ribeira coa disputa da XIV Carreira de Santa Uxía.

Nutrida representación dos nos@s con Shaila, Puri, Fran, Pepe, J. Ramón, Nacho, J. Manuel, Manel e Miguel. A tarde presentábase de bochorno para afrontar os 10 km (sobre 9.700 m. reais) por un percorrido de tres voltas a un circuíto urbano practicamente chan por Ribeira.

Nomes destacados, como Platas, Hassan (gañador), Akka, Solange Pereira (gañadora), Mayobre, Pedrosa... nunha carreira de sorprendente baixa participación a pesar de ser gratuíta e fenomenalmente organizada (preparación do percorrido, agasallos, avituallamento, etc.).

Perfil

Foto grazas a sochas

Falando xa dos nosos resultados, a gran triunfadora foi Shaila, que fixo duplo con dous terceiros postos: un na súa categoría e outro no circuíto de carreiras. Neste último caso, sendo ben merecido, facilitouno a lesión a semana anterior da estradense Isabel Batallán, que fracturou un óso do pé, e dende aquí esperamos que se recupere pronto. Así é o deporte, e neste caso a sorte estivo da parte de Shaila que tivo constancia e devoción polo circuíto, a pesar de levar moito tempo arrastrando unha lesión. Agora ten ben merecido un longo descanso para recuperarse e poñerse pronto a tope.

Foto grazas a sochas

Impresionante resultado de Fran, Pepe e Abel, facendo moi boa marca a pesar de non ser un 10.000 real, e no caso dos dous últimos, 2º e 3º respectivamente na súa categoría. Non esquecemos a progresión de J. Manuel, que se atopaba moi satisfeito co seu resultado, así como Nacho (listo a xa para o relevo do maratón), e Puri, 4ª na categoría, cedendo o 3º posto por uns segundos.

A nota agridoce tivérona Manel, con abandono por non atoparse ben, e Miguel, que a pesar de quedar por diante do 3º clasificado no circuíto de carreiras, non lle foi suficiente para quitarlle o posto global, rematando no 4º posto desta clasificación e cun tempo discreto na carreira despois de saír a tope na primeira volta.

Fotos grazas a sochas

Podemos destacar pois como histórica a tarde do sábado, que será difícil de superar a curto prazo. Forza Noitebra!!!

Felicitar unha vez máis á organización da carreira e aos responsables do circuíto de carreiras, polos agasallos ao completalo (Shaila, Miguel, Fran, Pepe, Nacho), e en xeral polo seu esforzo e dedicación por manter este tipo de eventos de incalculable valor social e deportivo. Sen dúbida, repetiremos o próximo ano.

Clasificacións

Oficial aquí

Os nosos

Máis fotos no foro de Correr en Galicia

Atletismo: I Memorial Manuel Bergueiro, A Estrada

2011-09-07T19:57:00.000+02:00

O pasado domingo pola mañá dous dos nosos atletas estiveron no I Memorial Manuel Bergueiro, na Estrada.

Imaxede arquivo de Manuel Bergueiro (na cima) celebrando un gol do Callobre C.F. // Bernabé

Foto grazas ao Concello

Percorrido

Óscar e Carlos participarían nesta carreira duns 10,4 km de percorrido algo trabado por un circuíto de 3 voltas con algunha subida e baixada que rompían os ritmos propicios para facer marca.

No obstante os nosos atletas fixeron bos tempos nunha carreira gañada por Gustavo Platas na categoría masculina e Solange Pereira na feminina.

Boa participación e mellores valoracións por parte dos que alí estiveron, polo que estendemos as nosas felicitacións á organización e ao concello desta vila polo esforzo realizado.

Clasificación
Oficial aquí

Os nosos

Vídeo da carreira. Por totti (Correr en Galicia):

Atletismo: XV Carreira Pedestre Popular de Noia

2011-09-06T17:08:00.000+02:00

O sábado pola tarde os nosos atletas tamén representaron ao Noitebra na XV Carreira Pedestre Popular de Noia. Neste caso foron Pepe e Puri os que competiron, con Fran e Shaila animando dende o público.

Foto grazas a Fran

A carreira, de 10 km longos (para uns 10.100 metros, para outros 10.400 metros) tivo unha boa participación nunha boa tarde para correr.

Foto grazas a Fran

Nesta ocasión témonos que congratular polo 2ª posto de Puri na súa categoría, que lle serviu para conseguir a 1ª premiación na mesma ao non ser os premios acumulativos entre os gañadores absolutos. Tamén destacar o 4º posto de Pepe na súa categoría, cun tempo moi próximo aos 40 minutos.

Boa carreira pois, aínda que moitos participantes quedaron algo descontentos porque a pesar de ter pagado inscrición quedaron sen camiseta de agasallo nin houbo un bo avituallamento final.

Clasificación
Oficial aquí

Os nosos

Atletismo: VII Cross de Broña, Outes

2011-09-06T17:06:00.000+02:00

A mañá do sábado tivemos representación do Noitebra no VII Cross de Broña, en Outes.

Foto grazas a vane

Percorrido

Por alí estiveron J. Ramón e Víctor para participar nesta carreira que transcorre por diversos terreos ao longo dos seus 7 km de distancia, como poden ser camiños, monte, paseos de pedra, etc. O perfil, algo incómodo polas subidas e baixadas, pero a panorámica da zona fixeron a carreira moi atractiva aos participantes.

Foto de Víctor grazas a vane

Os nosos renderon a bo nivel, chegando ambos entre os 20 primeiros. A destacar o segundo posto logrado por J. Ramón na súa categoría: felicidades!!!.

En definitiva bonita carreira con moi boas valoracións dos que por alí estiveron.

Clasificacións
Oficial aquí

Os nosos

Fútbol: Ruanova 3 - Noitebra 2

2011-09-05T17:00:00.002+02:00

O Noitebra inicia a liga con derrota ao caer por 3-2 ante o Ruanova no partido xogado o domingo en Santa Isabel.

No obstante, as sensacións do nosos equipo foron boas. Ademais, debemos ter en conta que se levan realizado poucos adestramentos, quedando aínda moito traballo por facer para conxuntar o grupo e gañar en competitividade.

O próximo partido será contra o Victoria.

En breve informaremos sobre a data, campo e hora.

Fútbol: Inicio da liga 2011-2012 na 3ª Autonómica Grupo 10

2011-09-02T15:42:00.001+02:00

O domingo 4 de setembro o Noitebra F.C. iniciará a tempada 2011-2012 ante o Ruanova. O partido, todo un clásico pola historia dos dous equipos, celebrarase ás 16 h. no campo municipal de Santa Isabel.

Este ano o grupo de 3ª autonómica de Santiago será o nº 10 e estará composto por 17 equipos:

C.D. Conxo

Atl. Fátima

Velacruz C.F.

C.F. Vista Alegre

C.D. A Inmaculada

Campo da Angustia F.C.

Noitebra F.C.

Club Estrela Vermella

San Pedro F.C.

Amizade C.F.

C.D. Urban

A Gracia C.F.

U.D. Lavacolla

Ruanova F.C.

C.D. Belvís

Victoria C.F.

Peña Bodegón Arzúa

Atletismo: III Carreira Popular Concello de A Pobra do Caramiñal

2011-08-29T00:27:00.005+02:00

Novo día de competición para os atletas noitebros. Nesta ocasión a cita era na III Carreira Popular de A Pobra do Caramiñal o domingo ás 12 h. Estivéronnos representando Belén, Mallo, Óscar, Fran e J. Ramón. Como espectadora de luxo Shaila, recuperándose da súa lesión.

Foto grazas a tarzan

O percorrido consistía nun par de voltas a un circuíto practicamente chan ata completar uns 6,5 km (máis ben menos). A carreira é destas de ir a tope e complicada pola hora á que se celebra. É o terceiro ano no que o calor fixo os seus efectos sobre os corredores/as.

Foto grazas a tarzan

Moita participación nunha carreira na que o gañador masculino sería, como a semana pasada en Artes, Pedro Nimo. En mulleres gañaría Paula Mayobre. Destacar o esforzo realizado polos nosos, con Óscar como atleta destacado, e J. Ramón e Fran moi próximos ao tempo conseguido por Pepe o ano pasado. Non esquecemos a Mallo e Belén que volveron repetir carreira noutro día de calor.

Foto grazas a Bernal

Foto grazas a tarzan

Clasificacións
Oficial consultar aquí

Os nosos:

Foto grazas a Shaila